| POLISI
PREIFATRWYDD A THELERAU AR GYFER DEFNYDDIO GWEFAN TOURLINK
GWYBODAETH BWYSIG
DYMA’R TELERAU Y MAE’N RHAID I CHI EU DERBYN
AR GYFER MYND I’R WEFAN A’I DEFNYDDIO. DARLLENWCH
NHW’N OFALUS GAN EU BOD YN NODI EIN RHWYMEDIGAETHAU
NI A CHITHAU, EIN POLISI PREIFATRWYDD AC YMWADIADAU ATEBOLRWYDD.
OS YDYCH YN MYND I’R WEFAN NEU YN EI DEFNYDDIO,
CYFRIFIR EICH BOD YN DERBYN Y TELERAU HYN A’N POLISI
PREIFATRWYDD.
1. Y WEFAN
1.1 Tourlink yw Cymdeithas
Ymwelwyr Sir Gâr o 62 Heol y Brenin, Caerfyrddin,
SA31 6BA ac Antur Teifi o Barc Busnes Antur Teifi, Aberarad,
Castellnewydd Emlyn, SA38 9DB yn masnachu fel Mentrau
Sir Gaerfyrddin.
1.2 Mae Tourlink yn rhedeg gwefan (“y Wefan”)
lle mae busnesau twristiaeth (“Busnesau”)
yn gosod data i hyrwyddo nwyddau a gwasanaethau sy’n
ymwneud â’r diwydiant twristiaeth yn Sir Gaerfyrddin.
Sylwch: Os ydych yn gohebu â Busnes, yn delio â
Busnes neu’n archebu nwyddau neu wasanaethau a gaiff
eu hyrwyddo yn y Wefan gan Fusnes, gyda’r Busnes
hwnnw y mae eich masnach a'ch contract, a thelerau ac
amodau’r Busnes hwnnw a fydd mewn grym. Ni fyddwch
yn ymrwymo i gontract â Tourlink ac ni fydd gennym
ni unrhyw gyfrifoldeb dros unrhyw golled neu ddifrod sy'n
digwydd o ganlyniad i unrhyw ymwneud â'r Busnesau
hyn.
1.3 Cymdeithas Ymwelwyr Sir Gâr ac Antur Teifi
sy’n darparu mynediad i wefan Tourlink (“y
Wefan”) a’r cyfle i’w defnyddio.
1.4 Caiff Tourlink ei ran-ariannu gan yr Undeb Ewropeaidd
trwy’r Gronfa Ddatblygu Ranbarthol Ewropeaidd.
1.5 Rydym yn cadw’r hawl i newid y telerau hyn
unrhyw bryd ar ôl rhoi rhybudd neu heb roi rhybudd
i chi. Chi sy’n gyfrifol am ddarllen y telerau’n
rheolaidd i gael gwybod am unrhyw newidiadau. Os byddwch
yn parhau i ddefnyddio’r Wefan ar ôl i newidiadau
felly gael eu gwneud, cyfrifir eich bod yn derbyn y newidiadau
hynny.
2. HAWLIAU YN Y WEFAN A’R CYNNWYS
2.1 Mae hawlfraint y Wefan ei hunan a'r holl gynnwys a
meddalwedd sy’n rhan ohoni, ynghyd â’r
holl hawliau eiddo deallusol eraill o bob math (yn cynnwys
hawliau ar y cronfeydd data a’r dylunio) sydd yn
y Wefan yn eiddo i ni neu mae gennym drwydded ar eu cyfer.
2.2 Mae’r Wefan a’i holl gynnwys ar gael
i chi (sy’n golygu y cewch edrych ar wybodaeth sydd
wedi'i gosod ar y wefan, ei lawrlwytho, ei chopïo
a'i hargraffu) yn unig ar gyfer eich defnydd personol,
anfasnachol chi ac nid ar gyfer unrhyw ddefnydd na diben
arall o gwbl.
2.3 Ein nodau perchnogol ni yw’r delweddau, y logos,
yr enwau masnachol a’r nodau masnach a ddefnyddir
ar y Wefan i gyfeirio at Tourlink, Antur Teifi, Cymdeithas
Ymwelwyr Sir Gâr a Mentrau Sir Gaerfyrddin neu eu
gwahanol wasanaethau, pa un a ydynt wedi’u cofrestru
ai peidio. Ni chaniateir i chi ddefnyddio'r enwau na'r
logos hyn heb gael ein caniatâd ysgrifenedig ni
ymlaen llaw.
2.4 Mae unrhyw ddelweddau, logos, enwau a nodau masnach
ar y Wefan sy’n cyfeirio at Fusnesau (neu drydydd
partïon eraill), eu nwyddau neu eu gwasanaethau,
yn eiddo i’r Busnes neu’r trydydd parti perthnasol;
cânt eu defnyddio gyda’u caniatâd nhw
ac maent yn amodol ar y cyfyngiadau a nodir yng Nghymal
2.2. Nid oes dim yn y Wefan yn rhoi unrhyw hawliau mewn
perthynas â’r delweddau, y logos, yr enwau
na’r nodau masnach hyn.
3. NATUR Y GWASANAETH A PHRYD Y BYDD AR GAEL
3.1 Rydym yn ceisio sicrhau gwasanaeth parhaus, heb wallau,
ond ni allwn warantu y bydd y Wefan ar gael trwy’r
amser ac na fydd arni wallau. I’r graddau y caniateir
hynny gan y gyfraith, ni fyddwn yn cymryd cyfrifoldeb
sy’n codi o wallau ar y Wefan neu'r ffaith nad yw
ar gael.
3.2 Er ein bod yn defnyddio meddalwedd gwrth-firysau
i warchod cynnwys y Wefan rhag firysau hysbys, ni allwn
warantu na fydd firysau neu godau maleisus yn y defnydd
[neu’r lawrlwythiadau] ar y Wefan. Eich cyfrifoldeb
chi yw sicrhau eich bod wedi cymryd gofal i warchod eich
system gyfrifiadurol chi rhag firysau ac ati.
4. Y WYBODAETH SYDD AR GAEL AR Y WEFAN
4.1 Rydym yn cymryd camau rhesymol i sicrhau bod y wybodaeth
a gyhoeddir ar y Wefan (yn cynnwys yr holl lenyddiaeth)
yn gywir. Fodd bynnag, ni allwn warantu ei bod yn gywir
ac fe’ch cynghorir i holi unrhyw Fusnes yr ydych
yn cysylltu â nhw neu’n archebu oddi wrthynt
a yw’r wybodaeth yn gywir. Rhowch wybod i ni os
gwyddoch am rywbeth nad yw’n gywir ac fe gymerwn
gamau i gywiro’r sefyllfa.
4.2 Rydych chi’n cydnabod mai trydydd partïon
sy’n cyflwyno neu’n lanlwytho gwybodaeth,
negeseuon neu ddefnyddiau eraill i rannau o’r Wefan
sy’n llwyr gyfrifol am y defnydd hwnnw (ac nid Tourlink).
Nid oes gennym reolaeth dros y defnydd a osodir mewn rhai
rhannau o’r Wefan (sy’n cynnwys y fforwm a’r
stafell sgwrsio a rhannau eraill o’r wefan). Rydych
chi’n deall y gallech weld defnydd sy’n anghywir,
yn achosi tramgwydd, yn anweddus neu’n annymunol
trwy ddefnyddio’r cyfleusterau hyn. Ni fyddwn ni'n
gyfrifol mewn unrhyw ffordd, nac o dan unrhyw amgylchiadau,
am unrhyw wybodaeth sydd ar gael yn y rhannau hyn o'r
Wefan, yn cynnwys unrhyw wallau neu hepgoriadau neu unrhyw
golled neu ddifrod sy'n digwydd o ganlyniad i ddefnyddio’r
wybodaeth neu’r defnyddiau hyn. Os gwelwch ddefnydd
sy’n anghywir, yn achosi tramgwydd neu’n annymunol
mewn ffordd arall yn y rhannau hyn o’r Wefan, rhowch
wybod i ni ac fe wnawn ein gorau i gael gwared ag ef.
4.3 Rydych yn cael hawl i ddefnyddio’r meddalwedd
sy’n rhan o’r Wefan ac sy’n galluogi
defnyddwyr i anfon defnydd i’r Wefan ar yr amod
bod gennym ni drwydded anghyfyngol, diddiwedd a heb freindal
i ddefnyddio’r defnydd hynny at bob diben ac ym
mhob cyfrwng yn cynnwys y Wefan, ond nid y Wefan yn unig.
Mae’r hawl hon yn amodol hefyd ar gael gwarant gennych
chi fod y defnydd hwn yn wreiddiol, nad yw’n tresbasu
ar hawliau trydydd partïon ac nad yw’n cynnwys
defnydd a allai achosi gofid, tramgwydd na niwed i eraill.
Rydych yn cytuno trwy hyn i’n hindemnio ni rhag
unrhyw golled neu ddifrod y gallem eu dioddef o ganlyniad
i hawliad a ddygir gan drydydd parti bod y defnydd a gafwyd
gennych chi yn tresbasu ar hawliau trydydd parti neu’n
achosi gofid, niwed neu dramgwydd.
5. CYSYLLTIADAU Â GWEFANNAU ALLANOL
5.1 O bryd i’w gilydd, gall y Wefan hon gynnwys
cysylltiadau â gwefannau eraill (“gorgysylltiadau”).
Er hwylustod i chi yn unig y mae’r gorgysylltiadau
hyn. Os dewiswch ddilyn unrhyw orgysylltiad, byddwch yn
gadael y Wefan. Nid ydym yn rheoli nac yn cymeradwyo cynnwys
unrhyw wefan arall (ac felly ni allwn fod yn gyfrifol
amdano) ac nid ydym yn derbyn unrhyw gyfrifoldeb sy’n
deillio o’ch defnydd chi o’r gorgysylltiadau
(yn cynnwys, heb gyfyngiad, unrhyw gyfrifoldeb dros ddefnydd
anghywir, difenwol, anweddus neu dramgwyddus a roddir
ar wefannau y mae cysylltiadau rhyngddynt â'r Wefan
hon). Pan fyddwch yn gadael y Wefan, telerau’r wefan
yr ewch iddi fydd yn berthnasol i’r defnydd a wnewch
o’r wefan honno.
6. DEFNYDDIO A STORIO
6.1 Rydych yn cydnabod y gallwn sefydlu arferion cyffredinol
a chyfyngiadau ar y defnydd a wneir o’r Wefan i
gyd neu rannau ohoni, yn cynnwys (heb gyfyngiad) y nifer
fwyaf o ddyddiau y bydd negeseuon ar yr hysbysfwrdd, gwybodaeth
am ddigwyddiadau, llenyddiaeth neu gynnwys arall a lanlwythir
yn cael eu cadw ar y Wefan.
6.2 Rydych yn cytuno nad oes gennym ni gyfrifoldeb nac
atebolrwydd os caiff unrhyw ddefnydd o’r fath ei
ddileu neu os na chaiff ei gadw. Rydych hefyd yn cydnabod
ein bod ni'n cadw’r hawl i newid yr arferion cyffredinol
a’r cyfyngiadau hyn unrhyw bryd, os byddwn ni’n
dewis gwneud hynny, gan roi rhybudd i chi neu beidio.
7. POLISI PREIFATRWYDD
7.1 Byddwn yn casglu gwybodaeth bersonol a all gynnwys
eich enw, eich cyfeiriad cartref, cyfeiriad e-bost a rhif
ffôn os byddwch yn dymuno cofrestru digwyddiad,
yn gofyn am gopïau o lenyddiaeth neu wybodaeth i
dwristiaid, neu’n ymateb i’r Wefan neu wasanaethau
eraill i ymwelwyr.
7.2 Cytunwn i drin eich manylion personol yn gyfrinachol
ac i gymryd camau rhesymol i sicrhau nad yw pobl heb ganiatâd
yn cael eu gweld. Yn ogystal, byddwn yn defnyddio’r
wybodaeth hon i brosesu eich ceisiadau am wybodaeth i
dwristiaid neu gopïau o daflenni ac ati neu i grynhoi
ymateb ar y Wefan. Rydych yn rhoi caniatâd i ni
i ddefnyddio, storio a phrosesu’r wybodaeth hon
at y dibenion hyn.
7.3 Yn ogystal, gallwn ddefnyddio'ch manylion personol
at ddibenion gweinyddu, marchnata ac ystadegau. Gallwn
rannu’ch manylion hefyd gyda sefydliadau sy’n
bartneriaid busnes i ni. Gallwn ni neu’n partneriaid
busnes gysylltu â chi trwy’r post neu dros
y ffôn, y ffacs neu’r e-bost i roi gwybod
i chi am nwyddau, gwasanaethau neu gynigion arbennig a
all fod o ddiddordeb i chi. Os na fyddwch yn dymuno cael
gwybodaeth fel hyn oddi wrthym ni neu’n partneriaid
busnes, mae gennych hawl i ddewis peidio â derbyn
y wybodaeth. Gallwch wneud hynny trwy roi tic yn y blwch
perthnasol yn yr adrannau o’r Wefan hon lle'r anfonir
manylion personol.
7.4 Mae gennych hawl i weld y wybodaeth hon ac i ofyn
i ni ei diweddaru, ei newid neu ei thynnu o’n cofnodion
unrhyw bryd ac am unrhyw reswm. Os oes gennych gwestiynau
am sut yr ydym yn defnyddio’ch data neu os hoffech
ofyn i ni ddiweddaru neu newid eich manylion neu eu tynnu
o’n cofnodion, anfonwch e-bost atom yn info@tourlink.co.uk
neu ysgrifennwch atom yn 62 Heol y Brenin, Caerfyrddin,
SA31 6BA
7.5 Rydym yn defnyddio cwcis ar y Wefan hon, sef meddalwedd
sy’n proffilio’r defnydd a wnewch o’r
Wefan. Er mwyn analluogi’r cwcis, newidiwch y gosodiadau
ar y meddalwedd pori’r Rhyngrwyd ar eich cyfrifiadur.
8. YMWADIAD
8.1 Mae’r Wefan ar gael i chi “FEL Y MAE”
heb sicrwydd ynghylch ansawdd, addasrwydd at y diben,
nad yw’n torri hawliau, nac argaeledd. Ni ddylid
dibynnu ar y wybodaeth na’r cyngor sydd ar gael
ar y Wefan wrth wneud penderfyniadau personol, technegol,
peirianyddol, hanesyddol, cyfreithiol nac ariannol ac
argymhellwn eich bod yn ymgynghori â gweithiwr proffesiynol
priodol i gael cyngor penodol sy’n addas ar gyfer
eich amgylchiadau chi.
8.2 Ni all Tourlink warantu cywirdeb defnydd a osodir
ar y Wefan hon gan drydydd partïon ac mae’n
gwrthod yn bendant gyfrifoldeb dros wallau, hepgoriadau
neu anghywirdeb yn y defnydd, camddehongli, neu unrhyw
golled, siom, esgeulustod neu ddifrod a achosir os dibynnir
ar y defnydd a geir yn y wefan hon neu unrhyw fethiant
neu fethiant honedig i gyflenwi’r gwasanaethau y
cyfeirir atynt yma, neu os bydd unrhyw gwmni, unigolyn
neu fusnes y cyfeirir atynt yma yn mynd yn fethdalwyr,
yn ymddatod neu’n rhoi’r gorau i fasnachu.
8.3 YN AMODOL AR GYMAL 8.4, NI FYDD TOURLINK YN GYFRIFOL
DROS UNRHYW IAWNDAL (YN CYNNWYS, HEB GYFYNGIAD, IAWNDAL
AM GOLLI BUSNES NEU GOLLI ELW) SY’N CODI MEWN CONTRACT,
CAMWEDD (YN CYNNWYS ESGEULUSTOD NEU DORRI DYLETSWYDD STATUDOL
NEU RYWBETH ARALL O GANLYNIAD I DDEFNYDDIO NEU FETHU DEFNYDDIO’R
WEFAN HON, NEU UNRHYW DDEFNYDD SYDD YNDDI, NEU O UNRHYW
GAM NEU BENDERFYNIAD A GYMERIR O GANLYNIAD I DDEFNYDDIO’R
WEFAN HON NEU UNRHYW DDEFNYDD O’R MATH.
8.4 Rydym yn cymryd cyfrifoldeb am farwolaeth neu niwed
personol a achosir gan ein hesgeulustod ni neu sy’n
codi o gamliwio twyllodrus gennym ni.
9. CYFFREDINOL
9.1 Rheolir y telerau hyn gan gyfreithiau Cymru a Lloegr,
a bydd unrhyw anghydfod sy’n codi o’r telerau
hyn yn ddarostyngedig i awdurdodaeth llysoedd Cymru a
Lloegr.
9.2 Cafodd penawdau adrannau eu cynnwys er hwylustod
yn unig. Ni ddylid eu hystyried yn rhan o’r telerau
ac ni ddylid eu defnyddio i’w dehongli.
9.3 Os bernir bod un neu fwy o’r telerau hyn yn
anghyfreithlon neu’n anorfodadwy, caiff hwnnw ei
dorri allan a’i ddileu a bydd y telerau sydd ar
ôl yn parhau yn orfodol ac yn orfodadwy.
9.4 Nid oes dim yn y telerau hyn yn creu unrhyw hawl
neu fuddiant i unrhyw drydydd parti o dan y Ddeddf Contractau
(Hawliau Trydydd Partïon) 1999.
9.5 Ni fyddwn yn gyfrifol dros unrhyw golled a gewch
ac ni fernir ein bod ni’n ddiffygiol os ceir oedi
neu fethiant o ganlyniad i weithredu neu achosion y tu
hwnt i'n rheolaeth resymol ni neu sy'n deillio o drychineb
naturiol, deddfau neu reoliadau unrhyw awdurdod llywodraethol
neu ryngwladol neu os nad yw’n gweinyddion ni’n
gweithio.
9.6 Os dymunwch gysylltu â ni ynghylch ein Gwefan,
e-bostiwch info@tourlink.co.uk neu ffonio 01267-220366.
Gellir anfon rhybuddion cyfreithiol trwy’r post
at Tourlink, 62 Heol y Brenin, Caerfyrddin, SA32 6BA
10. DEHONGLI
10.1 Yn y telerau hyn, mae ‘Ni’ ac ‘Ein’
yn golygu Tourlink a ‘Chi’, ‘Eich’
a ‘Chithau’ yn golygu’r unigolyn sy’n
dymuno defnyddio’r Wefan.
Dyddiad: [1af Awst 2002]
Rhif y fersiwn: [001]
|
